मिरज : हिमालया योगा ऑलंपियाड व एस. व्यास युनिव्हर्सिटी बेंगलोर यांच्या संयुक्त विद्यमाने २८ नोव्हेंबर ते २ डिसेंबर रोजी राष्ट्रीय योग स्पर्धा घेण्यात आल्या. या राष्ट्रीय योग स्पर्धेमध्ये केळकर योग वर्गाच्या खेळाडूंनी घवघवीत यश संपादन करत, चॅम्पियन ऑफ चॅम्पियन हा पुरस्कार मिळविला. यशस्वी विद्यार्थी पुढीलप्रमाणे ९ ते ११ वयोगटातील मुलांमध्ये अंश सावंत, तन्मय पवार यांचा द्वितीय क्रमांक, ९ ते ११ वयोगटातील मुलींमध्ये अन्वी पवार व सानिध्या जगताप यांचा प्रथम क्रमांक. १२ ते १३ वयोगटातील मुलांमध्ये समर्थ मिरजे याचा द्वितीय क्रमांक. १२ ते १३ वयोगटातील मुलींमध्ये इशिता पाटील व आराध्या जगताप यांचा प्रथम क्रमांक. १४ ते१५ वयोगटातील मुलांमध्ये अर्जुन पुजारी याचा प्रथम क्रमांक. १४ ते १५ वयोगटातील मुलींमध्ये शर्वरी माळी, कनक बिरादार व समीक्षा पाटील प्रथम क्रमांक. १५ ते १७ वयोगटातील मुलांमध्ये राजवर्धन मोरे प्रथम क्रमांक. यशस्वी खेळाडूंचे सर्व स्तरातून कौतुक होत आहे.
या सर्व खेळाडूंना दीपक दुर्गाडे, कोमल जगताप, कुणाल शिंदे, प्रतिष्ठा माने, यांचे प्रशिक्षण लाभले. तर डॉ. मुकुंदराव पाठक, अंजली केळकर, मोहन जोशी, सुधीर नाईक यांचे मार्गदर्शन व सहकार्य लाभले.
