तासगावात महायुती सरकारच्या शपथविधी नंतर कार्यकर्त्यांन कडून जल्लोष…

तासगाव : महायुती सरकारच्या नवीन सरकार मध्ये मुख्यमंत्रीपदी देवेंद्र फडणवीस,उपमुख्यमंत्रीपदी एकनाथ शिंदे आणि अजितदादा पवार यांनी शपथ घेताच तासगावात भाजपा महायुती पदाधिकारी आणि कार्यकर्त्यांकडून शिवतीर्थ, स्टॅन्ड चौक,पोस्ट ऑफिस,याठिकाणी फटाक्यांची आतिषबाजी करून साखर वाटप करून आनंद उत्सव साजरा करण्यात आला.राज्यात नुकत्याच विधानसभा निवडणुका पार पडल्या आणि भाजपा महायुतीला भरघोस यश मिळाले.भाजपच्या नेतृत्वात नवीन महायुती सरकार सत्तेवर आले.पंतप्रधान नरेंद्र मोदी, ग्रहमंत्री अमित शहा विविध राज्यांचे मुख्यमंत्री यांच्या उपस्थितीत मुख्यमंत्री देवेंद्र फडणवीस, उपमुख्यमंत्री म्हणून एकनाथजी शिंदे व अजित दादा पवार यांनीही पद व गोपनीयतेची शपथ घेतली.शपथ विधीची घोषणा होताच शहरातील महायुतीच्या कार्यकर्त्यांनी जय श्री राम,च्या घोषणा देत जल्लोष केला.यावेळी मोठ्या संख्येने कार्यकर्ते उपस्थित होते.