धर्म रक्षणासाठी सज्ज व्हा : तासगावात उद्या बांगलादेश हिंदू न्याय यात्रा

तासगाव : बांगलादेश मध्ये हिंदू समाजावर आणि अल्पसंख्यांक समाजावर मुस्लिम कट्टर पंथीयांद्वारे अत्याचार होत आहेत.या विरोधात जागतिक मानव हक्क दिनी उद्या मंगळवार 10 डिसेंबर रोजी सकाळी 10 वाजता शिवतीर्थ छत्रपती श्री शिवाजी महाराज पुतळा ते तहसील कार्यालय पर्यंत बांगलादेश हिंदू न्याय यात्रेचे आयोजन करण्यात आले आहे.या यात्रेत तालुक्यातील सर्व हिंदूंनी मोठ्या संख्येने उपस्थित राहावे असे आवाहन सकल हिंदू समाजाकडून केले आहे.

बांगला देशामध्ये हिंदू समाजावर आणि अल्पसंख्यांक समाजावर मुस्लिम कट्टरपंथीयांद्वारे अत्याचार होत आहेत.त्यांची मंदिरे,घरे,दुकाने जाळली जात आहेत.तेथील हिंदू महिलांवर देखील अमानवीय पद्धतीने अत्याचार होत आहेत.आंतरराष्ट्रीय मानवाधिकार आयोगाने याची दखल घ्यावी व तेथील मुंडा,चकमा,कुकी, बौद्ध इत्यादी आदिवासी व दलीत हिंदू बांधवांना ईस्लामी कट्टरतावाद्यांनी अवैध मार्गाने जीवन जगणे अत्यंत कष्टप्रद करून टाकले आहे.

बांगलादेशचे सरकार देखील हिंदूं सोबतच अन्य अल्पसंख्याकांवरील अत्याचाराचास मूकसंमतीच देताना दिसून येत आहे.या सर्व अत्याचाराची भारतातील हिंदू समाजास चिंता वाटत आहे.या सर्व अत्याचाराचा निषेध शांततेने आणि लोकशाही मार्गाने व्यक्त करणाऱ्या इस्कॉनच्या साधूंना देखील बांगलादेशच्या सरकारने देशद्रोह्याची कठीण कलमे लावून तुरुंगात डांबले आहे.त्यांना तात्काळ सोडावे तसेच बांगला देशात हिंदू अल्पसंख्याकांचा होणारा क्रूर हाल थांबावा या मागणीसाठी बांगलादेश हिंदू न्याय यात्रा काढण्यात येणार आहे.