लग्न ठरविताना तडजोडीची भुमिका ठेवावी : आण्णासाहेब चकोते; सांगली जैन बोर्डिंगचा वधु वर मेळावा उत्साहात संपन्न

प्रतिष्ठा न्यूज
सांगली प्रतिनिधी : दक्षिण भारत जैन सभेचे शेठ रा. ध, दावडा दिगंबर जैन बोर्डिंग, सांगली या संस्थेचा १९ वा जैन वधु वर पालक स्नेहमेळावा उत्साहात पार पडला. सदर मेळाव्यात इच्छुक वधुनी आपला जोडिदार मनमिळावू, निर्व्यसनी, सुसंस्कृत असावा अशी इच्छा व्यक्त केली. तर इच्छुक वरांनी मनमिळावू सहचारीनी हवी अशी इच्छा व्यक्त केली. या मेळाव्यासाठी १२०० पेक्षा जास्त वधू वरांची नोंदणी झाली असून महाराष्ट्र,

कर्नाटक, राज्यस्थान इ. राज्यातून चांगला प्रतिसाद मिळाला. या मेळाव्याचे उदघाटन चकोते ग्रुप ऑफइंडस्ट्रिजचे चेअरमन मा. श्री. आण्णासाहेब चकोते व त्यांच्या सुविद्य पत्नी सौ. पदमिनी चकोते याचे हस्ते झाले. याप्रसंगी बोलतांना मा. चकोते म्हणाले की, लग्न ठरविताना तडजोडीची भुमिका ठेवावी, वधू वर मेळाव्यांची समाजाला नितांत गरज असून अशा मेळाव्यामधून एकाच वेळी अनेक अनूरुप स्थळे पाहता येतात, यामुळे आपला वेळ, पैसा वाचतो. बोर्डिंगने मागील २१ वर्षे वधु वर मेळावासारखा सुत्य उपक्रम राबविला व समाजामधील लग्नाविषयीच्या समस्या सोडविण्यासाठी एक उत्तम प्रकारचे पाऊल टाकले आहे, असे मत व्यक्त केले.

कार्यक्रमाच्या अध्यक्षस्थांनी द. भारत जैन सभेचे अध्यक्ष मा. श्री. भालचंद्र पाटील हे होते. त्यांनी या प्रसंगी इच्छुक वधु वरांनी या मेळाव्याद्वारे अनुरुप जोडिदार निवडावा तसेच बोर्डीगच्या या उपक्रमाचे कौतुक करून या मेळाव्यामुळे समाजामधील विवाह इच्छुक तरूण तरूणींना अनुरूप जोडीदार मिळेल अशी खात्री व्यक्त केली.

या कार्यक्रमासाठी दक्षिण भारत जैन सभेचे चेअरमन मा. श्री. रावसाहेब जिनगोंडा पाटील यांची प्रमुख उपस्थिती होती. त्यांनी आपल्या मनोगतामध्ये, सांगली जैन बोर्डीग हे दक्षिण भारत जैन सभेची एक महत्वपूर्ण शाखा असल्याचे सांगितले. बोर्डीगच्या मेळाव्यास चांगला प्रतिसाद मिळाल्याबद्दल समाधान व्यक्त केले.

बोर्डिंगचे चेअरमन मा. प्रा. राहुल चौगुले यांनी आपल्या प्रास्ताविकमध्ये, १९ व्या वधुवर मेळाव्याला १२०० उमेदवारांची नोंदणी झाली असून भारतवर्षातील सामाजिक तत्वावर संपन्न होणारा हा कदाचित सर्वात मोठा वधुवर मेळावा असल्याचे सांगितले. या मेळाव्यासाठी मागील चार महीन्यापासून शेकडो कार्यकर्ते कष्ट घेत असून मेळाव्याचा प्रचार आणि प्रसार विविध माध्यमे, समाजमाध्यमातुन करण्यात आले. सर्व नोंदणी ऑनलाई न पध्दतीने करून रंगीत, छायाचित्रासह वधुवरांचे संपुर्ण माहीती असलेल्या पुस्तकाचे वितरण सुरू झाल्याचे सांगीतले. तसेच बोर्डीगच्यावतीने राबवण्यात येणाऱ्या उपक्रमांची माहीती दिली.

याप्रसंगी वधुवर पालक परिचय मेळावा पुस्तिकेचे प्रकाशन प्रमुख पाहूण्यांच्या हस्ते झाले. स्वागत बोर्डिंगचे सेक्रेटरी अॅड. मदन पाटील यांनी केले तर जॉ. सेक्रेटरी श्री. संदिप हिंगणे यांनी ओळख करून दिली. तर कार्य क्रमाचे आभार वधुवर सुचक मंच चे सचिव विशाल चौगुले यांनी मानले. या मेळाव्यासाठी जैन महिला परिषद, कळंत्रेआक्का जैन महिलाश्रम, स्नेहज्योत महिला मंडळ, वीर सेवा दल तसेच बोर्डिंगचे पदाधिकारी यांनी उत्स्फुर्त पणाने भाग घेऊन हा मेळावा पार पाडला. वधु वर मेळाव्यासाठी बोर्डिंगचे व्हा. चेअरमन मा. श्री. प्रशांत अवधूत, सुपरिटेंडेंट राजेश पाटील, जॉ. सुपरिटेंडेंट प्रविण वाडकर वधु वर मेळाव्याचे अध्यक्ष श्री. बी. के. पाटील (अक्कोळकर), उपाध्यक्ष सौ. अनिता पाटील, जॉ. सेक्रेटरी श्रीमती छाया कुंभोजकर यांच्या सह जैन बोर्डीगचे सर्व सदस्यानी खुप परिश्रम घेऊन मेळावा यशस्वी केला.