फुलमळा तांडा- जिल्हा परिषद शाळेत- संत सेवालाल महाराज यांची जयंती साजरी

उमरा : लोहा तालुक्यातील फुलमळा तांडा येथील जिल्हा परिषद प्राथमिक शाळेत संत सेवालाल महाराज यांची जयंती दि.15 फेब्रुवारी 2024 रोजी साजरी करण्यात आली.

यावेळी संत सेवालाल महाराज यांच्या प्रतिमेचे पूजन ग्रामपंचायत सदस्य- सतीश राठोड, मुख्याध्यापक- कनशेट्टे, शिक्षक- ढाले व उपस्थितीतांनी केले.

यावेळी संत सेवालाल महाराज यांच्या विषयी माहिती देतांना ग्रामपंचायत सदस्य- सतीश राठोड म्हणाले की, संत सेवालाल महाराज गोर समाजाचे केवळ संत नव्हते तर ते क्रांतीकारी शूर योद्धा होते. तसेच ते धुरंदर समाजकारणी होते. ते अंधश्रद्धा मानत नव्हते ते श्रधाळू होते. श्रीमंत गरीब असा भेदाभेद न करता त्यांनी धार्मिक, सामाजिक, आर्थिक, राजकीय व सांस्कृतिक या कार्यात त्यांनी मोठे योगदान दिले आहे. तसेच ते स्त्री समानता, क्रांतीकारी व मानवतावादी विचाराचे होते.असे राठोड म्हणाले.