राउतखेडा फाटा येथे ऑटो- दुचाकी धडकेत दोघांचा मृत्यू : आरोग्य विभागाची टोल फ्रि क्र.108 क्रमांकाची रुग्ण सेवा कुचकामी

उमरा प्रतिनिधी : कौठा ते नांदेड रस्त्यावर राउतखेडा फाटा येथे ऑटो व दुचाकीच्या धडकेत दोन ठार झाल्याची घटना दि 01 जानेवारी 2023 रोज रविवारी सायंकाळी 6:30 घडली आहे.

पेठवडज आरोग्य केंद्राअंतर्गत येणाऱ्या गोणार येथील आरोग्य उपकेंद्रात सेविका या पदावर मुलीला रुजू करून परतणारे भोकर तालुक्यातील ताटकळवाडी येथील हुलबा देवराव खुपसे वय (65 ) वर्षे हे ऑटोरिक्षा- (क्र.एम.एच.26 जी. 6368) ने गावाकडे परत येत होते. रविवारी सायंकाळी 6:30 वाजेच्या सुमारास राऊतखेडा फाटा वळणावर ऑटोरिक्षा आणि दुचाकी- (क्र. एम.एच.26 ए.जी. 9515) ची जोराची धडक झाली. असता दुचाकीवरील आनंदा नवघरे वय (52) वर्षे यांचा जागीच मृत्यू झाला, तर ऑटोरिक्षातील हुलबा खुपसे यांना मुखेड उपजिल्हा रुग्णालयात नेत असतांना वाटेतच मृत्यू झाला, तसेच ऑटोरिक्षातील गजानन हुलबा खुपसे वय (24) वर्षे हा देखील गंभीर जखमी झाला असून, त्याला पुढील उपचारासाठी नांदेड येथे हलविन्यात आले आहे.