महाराष्ट्र युवारत्न शशिकांत पाटील तासगाव तालुक्याचे भूषण- रोहितदादा आर आर पाटील यांचे गौरवोद्गार

तासगाव प्रतिनिधी दि. 30: वृक्षारोपण,आरोग्य व रक्तदान शिबिरे,कोविड योद्धा म्हणून केलेले भरीव काम, छत्रपती शिवरायांच्या पत्रावर संशोधनपर लेखन, युवकांचा मार्गदर्शक, गावासाठी आर्थिक केंद्र म्हणून एटीएम सुविधा, क्रीडा व सांस्कृतिक क्षेत्रातील योगदान, निर्व्यसनी व चारित्र्यवान युवासंपत्तीची बांधणी याचबरोबर आपल्या मूळ कामांमध्ये शिक्षक म्हणून सातत्याने राज्यस्तरावर आपल्या विद्यार्थ्यांना गुणवत्तेत आणणारे महाराष्ट्र युवारत्न शशिकांत पाटील सर हे तासगाव तालुक्याचे भूषण आहेत असे गौरवोउद्गार युवानेते रोहितदादा आर आर पाटील यांनी काढले.

            सालाबाद प्रमाणे जिल्हा परिषद शाळा हातनूर शाळा व्यवस्थापन समितीचे अध्यक्ष सचिन काशिनाथ पाटील यांच्या प्रयत्नातून जिल्हा परिषद शाळा हातनुर व उज्वल विद्यामंदिर हातनूर येथील गुणवंत विद्यार्थ्यांच्या सत्कार समारंभ व विसापूर महसूल सर्कल मधील 21 गावातील सर्वात दूरवरून येणाऱ्या विद्यार्थ्यांना सायकल वाटप प्रसंगी ते बोलत होते.